News 6E
Breaking News
Breaking NewsBUSINESSNationaltourism news

જાણવા જેવુ / ના કોઈ TTE- ના કોઈ ટિકિટ, આ ભારતીય ટ્રેનમાં 75 વર્ષથી મફતમાં મુસાફરી કરી રહ્યા છે લોકો

TTE

ndian Railways Amazing fact:  એક જગ્યાએથી બીજી જગ્યાએ જવા માટે ટ્રેનને સૌથી વધુ સસ્તુ માનવામાં આવે છે. તે તમારો સમય બચાવે છે અને ખૂબ આરામદાયક હોય છે. ટ્રેનમાં મુસાફરીનો ખર્ચ પણ ઓછો હોય છે. આજે ભારતમાં ટ્રેનોનું નેટવર્ક એટલું મોટું થઈ ગયું છે કે તે વિશ્વનું ચોથું સૌથી મોટું રેલ નેટવર્ક બની ગયું છે. તમે ઘણીવાર લોકોને ટિકિટ વગર મુસાફરી કરતા જોયા હશે. ટીટી આવા લોકોને પકડીને તેમના ચલણ કાપે છે, પરંતુ આજે અમે તમને ટ્રેન વિશે જણાવવા જઈ રહ્યા છીએ, તેમાં મુસાફરી કરવા માટે તમારે કોઈપણ પ્રકારની ટિકિટની જરૂર નથી હોતી, આ ટ્રેન તમામ મુસાફરો માટે બિલકુલ ફ્રી છે. જો તમે વિચારી રહ્યા હોવ કે અમે કોઈ વિદેશી ટ્રેનનો ઉલ્લેખ કરવા જઈ રહ્યા છીએ, તો એવું બિલકુલ નથી. આ ટ્રેન ફક્ત ભારતમાં જ ચાલે છે, જેના વિશે સાંભળીને તમને આશ્ચર્ય થશે.

કઈ ટ્રેન છે ?

ભારતની આ ફ્રી ટ્રેન આજથી નહીં પણ લગભગ 75 વર્ષથી લોકોને મફતમાં મુસાફરી કરાવી રહી છે. આ ટ્રેન પંજાબ અને હિમાચલની સરહદ નજીકથી ચાલે છે અને ભાખરા-નાંગલ ટ્રેન તરીકે પ્રખ્યાત છે. આપને જણાવી દઈએ કે આ ટ્રેન ભાખરા અને નાંગલ વચ્ચે ચાલે છે. જ્યારે દુનિયાભરના પ્રવાસીઓ ભાખરા-નાંગલ ડેમ જોવા આવે છે, ત્યારે તેઓ આ ટ્રેનનો ઉપયોગ કરે છે. આ ટ્રેન માટે આ પ્રવાસીઓ પાસેથી એક પણ રૂપિયો લેવામાં આવતો નથી અને ન તો તેના માટે કોઈ ટિકિટ લેવામાં આવે છે. આ ટ્રેનના ઈતિહાસની વાત કરીએ તો તેની શરૂઆત વર્ષ 1948માં થઈ હતી. આપને જાણીને નવાઈ લાગશે કે આ ટ્રેનના કોચ લાકડાના બનેલા છે, જ્યારે આ ટ્રેન શરૂ થઈ ત્યારે તેમાં 10 કોચ હતા પરંતુ હવે તેમાં માત્ર 3 કોચ રહ્યાં છે. તેમાં મુસાફરી કરતા લોકોની વાત કરીએ તો તેમાં રોજના 800 લોકો મુસાફરી કરે છે.

દેશની ધરોહર અને પરંપરા છે આ ટ્રેન

આ ટ્રેનને દેશની ધરોહર અને પરંપરા તરીકે જોવામાં આવે છે. નાણાકીય નુકસાનને ધ્યાનમાં રાખીને વર્ષ 2011માં તેની ફ્રી સર્વિસ બંધ કરવાનો નિર્ણય લેવામાં આવ્યો હતો પરંતુ બાદમાં તેને પાછી ખેંચી લેવામાં આવી હતી અને આ ટ્રેનને લોકો માટે ફ્રી રાખવામાં આવી હતી.

Related posts

કેશોદ પોલીસે એક ઘરમાંથી 58 ચાઈનીઝ રીલ પકડી પાડી,ચાઈનીઝ દોરી પકડવામાં જૂનાગઢ મનપાનું ચેકિંગના નામે ફોટોસેશન

news6e

हरियाणा में भारत जोड़ो यात्रा की एंट्री 22 को: तैयारियों में जुटी कांग्रेस, 5 दिसंबर को बुलाई मीटिंग; मेवात में होगा स्वागत

news6e

Xiaomi નો સુંદર સ્માર્ટફોન છોકરીઓના દિલ પર રાજ કરવા આવી રહ્યો છે, ધૂમ મચાવી દેશે

news6e

Leave a Comment