કર્ણાટકમાં વડાપ્રધાન નરેન્દ્ર મોદીની સુરક્ષામાં ચૂકનો મામલો સામે આવ્યો છે. PM મોદી હુબલીમાં રોડ શો કરી રહ્યા હતા. આ દરમિયાન એક યુવક પીએમ મોદીની સિક્યોરિટી કોર્ડન તોડીને ગાડી પાસે પહોંચી ગયો. આ મુદ્દા પર, હુબલીના પોલીસ કમિશનરે કોઈપણ સુરક્ષામાં ચૂકનો ઇનકાર કર્યો છે. તેમનું કહેવું છે કે વડાપ્રધાનની સુરક્ષામાં કોઈ ચૂક રહી નથી.
મળતી માહિતી મુજબ રોડ શો દરમિયાન એક વ્યક્તિ અચાનક તેમની ગાડી પાસે પહોંચી ગયો. આ વ્યક્તિ પીએમ મોદીને હાર પહેરાવવા માંગતો હતો. જો કે, વ્યક્તિને પીએમ તરફ આવતો જોઈને સુરક્ષાકર્મીઓ તરત જ એક્શનમાં આવી ગયા અને તેને અધવચ્ચે જ અટકાવી દીધો. તેમને તરત જ પીએમના કાફલાથી દૂર લઈ જવામાં આવ્યો હતો.
મળતી માહિતી અનુસાર, પોલીસ કમિશનરે જણાવ્યું છે કે જ્યાંથી યુવક આવ્યો હતો ત્યાંના તમામ લોકોની એસપીજી દ્વારા યોગ્ય રીતે તપાસ કરવામાં આવી હતી અને સુરક્ષા એજન્સીઓ દ્વારા સમગ્ર વિસ્તારની યોગ્ય રીતે તપાસ કરવામાં આવી હતી. આ કોઈ ગંભીર ભૂલ નથી.
જણાવી દઈએ કે પીએમ મોદી 26મા રાષ્ટ્રીય યુવા મહોત્સવમાં ભાગ લેવા માટે કર્ણાટક પહોંચ્યા છે. તેમણે હુબલીમાં રોડ શો દરમિયાન લોકોનું અભિવાદન પણ સ્વીકાર્યું. આ દરમિયાન તેમની સુરક્ષામાં ચૂક થઈ હતી.
