Green Leaves For Diabetes: ડાયાબિટીસ એ એક જટિલ રોગ છે જે કોઈપણ વ્યક્તિને અંદરથી તોડી શકે છે, જોકે ખાણી – પીણી અને લાઈફસ્ટાઈલ અંગે થોડી કાળજી લેવામાં આવે તો ચિંતા કરવાની કોઈ વાત નથી. ડાયાબિટીસના દર્દીઓએ હંમેશા બ્લડ શુગર લેવલને કંટ્રોલ કરવું પડે છે. જો તે મર્યાદાથી વધી જાય, તો તે જીવલેણ બની જાય છે. આજે અમે તમને આ સમસ્યાથી બચવાના સરળ ઉપાયો જણાવીશું, જેને અપનાવીને તમે ગ્લુકોઝના સ્તરને ઘણી હદ સુધી નિયંત્રિત કરી શકો છો.
આ પાન ખાવો અનેશુગર લેવલ ઘટાડો
એક પ્રખ્યાત ડાયટિશિયન આયુષી યાદવ (Ayushi Yadav) એ જણાવ્યું કે જો ડાયાબિટીસના દર્દીઓ 3 પ્રકારના લીલા પાંદડા ખાય તો તે બ્લડ શુગર લેવલ અને ઈન્સ્યુલિન લેવલ ઘટાડવામાં ઘણી મદદ કરે છે.
ઈન્સ્યુલિન પ્લાન્ટ (Insulin Plant)
ડાયેટિશિયન આયુષીના જણાવ્યા મુજબ, જો તમે લગભગ એક મહિના સુધી દરરોજ ઇન્સ્યુલિનના છોડને ચાવશો તો તમે બ્લડ સુગર લેવલને સરળતાથી નિયંત્રિત કરી શકશો. તેના માટે તમે આ છોડના પાંદડાને ઘણા દિવસો સુધી તડકામાં સૂકવી દો અને પછી તેને પીસીને પાવડરનો આકાર આપો. આ છોડમાં પ્રોટીન, એન્ટિઓક્સિડન્ટ્સ, એસ્કોર્બિક એસિડ, બીટા કેરોટીન, આયર્ન, કોરોસોલિક, ટેર્પેનોઇડ્સ અને ફ્લેવોનોઇડ્સ જેવા પોષક તત્વો મળી આવે છે જે ડાયાબિટીસના દર્દીઓ માટે ફાયદાકારક સાબિત થાય છે.
સુવાદાણાના પાન (Dill leaves)
જે લોકો ડાયાબિટીસના રોગથી પીડિત છે તેમના માટે સુવાદાણાના પાન વરદાનથી ઓછા નથી. તેનું સેવન નિયમિતપણે કરવું જોઈએ, તો જ તમે બ્લડ ગ્લુકોઝનું લેવલ સરળતાથી મેન્ટેન કરી શકશો. તમે આ છોડને ઘરે પોટમાં પણ ઉગાડી શકો છો.
એલોવેરા (Aloe Vera)
ત્વચાની સુંદરતા વધારવા માટે તમે એલોવેરાના પાનમાંથી કાઢવામાં આવેલી જેલનો ઘણી વખત ઉપયોગ કર્યો હશે, પરંતુ શું તમે જાણો છો કે તેનું સેવન કરવાથી બ્લડ શુગર લેવલ ઘટાડી શકાય છે. જો તમે તેના જેલનો રસ નિયમિત રીતે પીશો તો તેના ફાયદા શરીરમાં જોવા મળશે.
