How To Clean Gold Jewelry: ભારતમાં સોનાની માઈનિંગ એટલી વધારે નથી થતી, પરંતુ આપણો દેશમાં સોનું બહું છે. વર્લ્ડ ગોલ્ડ કાઉન્સિલ (World Gold Council) એ જાન્યુઆરી 2023માં એક રિપોર્ટ જાહેર કર્યો હતો, જે મુજબ વર્ષ 2021માં ભારતે 611 ટન સોનું ખરીદ્યું હતું, જ્યારે ચીને આ જ સમયગાળામાં 673 ટન સોનું ખરીદ્યું હતું. તદનુસાર, ભારત વિશ્વમાં સોનાનો બીજો સૌથી મોટો વપરાશકાર છે. લગ્ન અને પાર્ટીઓથી લઈને રોજિંદા જીવનમાં સોનાના દાગીનાનો સતત ઉપયોગ થાય છે.
સોનાના દાગીના કેવી રીતે સાફ કરવા ?
સામાન્ય રીતે સોનાના દાગીના મોટાભાગે લગ્ન સમયે બનાવવામાં આવે છે, પરંતુ ઘણા વર્ષોના ઉપયોગ પછી, તેમા મેળ લાગી જાય છે અથવા તેની ચમક સમય સાથે ઝાંખી પડી જાય છે. પછી તેને પહેરવામાં સંકોચ થાય છે. જો તમે પણ સોનાના નેકલેસ, બંગડીઓ, કાનની બુટ્ટીઓ અને વીંટીઓમાં નવી ચમક લાવવા માગતા હોવ તો તમારે તેના માટે ઝવેરી પાસે જવાની જરૂર નથી, ઘરે બેઠા દેશી જુગાડથી તમે તેમા ચમક લાવી શકો છો.
ટૂથપેસ્ટથી કરો સાફ
તમે તમારા દાંત સાફ કરવા માટે ટૂથપેસ્ટનો ઉપયોગ કરતા હશો, પરંતુ તમે દાગીના સાફ કરવા માટે પણ તેનો ઉપયોગ કરી શકો છો. તેના માટે એક બાઉલમાં ટૂથપેસ્ટ અને પાણીના થોડા ટીપાં મિક્સ કરીને પાતળી પેસ્ટ તૈયાર કરો. હવે દાગીનાને સોફ્ટ બ્રશની મદદથી સાફ કરો અને પછી ધોઈ લો.
ડિશ સોપની મદદ લો
સોનાના દાગીનાને સાફ કરવા માટે, સૌપ્રથમ એક બાઉલમાં ગરમ પાણી રેડો અને તેમાં લિક્વિડ ડિટર્જન્ટ મિક્સ કરો. હવે ગંદા દાગીનાને તેમાં ડુબાડીને થોડી વાર રહેવા દો, પછી સોફ્ટ બ્રશની મદદથી તેને સાફ કરો. છેલ્લે, દાગીનાને સ્વચ્છ પાણીથી ધોયા પછી તેને સોફ્ટ કપડાથી લૂછી લો.
બેકિંગ સોડા અને વિનેગર ઉપયોગ કરો
એક બાઉલમાં બેકિંગ સોડા અને ગરમ પાણી મિક્સ કરી લો. હવે આ પેસ્ટને ગંદા દાગીનામાં લગાવો. હવે તેને પહેલા સફેદ વિનેગરથી ધોઈ લો અને પછી પાણીની મદદથી તેને સંપૂર્ણપણે સાફ કરો. દાગીના નવા જેવા ચમકશે.
આ બાબતોનું રાખો ધ્યાન
સોનાના દાગીનાને સાફ કરવા માટે ભૂલથી પણ બ્લીચનો ઉપયોગ કરશો નહીં, તેનાથી દાગીનાનો રંગ ઉતરી જાય છે. સોનાની બનેલી વસ્તુઓ અલગ રાખો. જો તમે આમ નહીં કરો તો તેમાં સ્ક્રેચ પડવાનું જોખમ વધી જાય છે.
